【Now財經台】繼集資百億嘅海天味業(03288)後，今日(18日)有Tesla供應商三花智控(02050)截飛，之後就輪到內地珠寶商周六福(06168)啟動公開招股，雖然新股市場持續活躍，但港交所(00388)股價已連跌兩日，今日一度跌近3%，低見401.2元。市場較熱門，一批8 月到期嘅CALL，槓桿13倍至14倍，多唔多資金坐呢批CALL？還是換馬年底到期嘅CALL？
中銀國際證券衍生產品部董事朱紅指，港交所走勢比恒生指數強，近期上市氣氛熾熱，市場對IPO嘅追求非常熱烈。港交所股價已升咗一浸，依家回落至400元水平，有較進取嘅投資者會揀8月到期嘅CALL，呢類條款嘅街貨會比較高。
Niki建議，投資者可以留意較長線嘅CALL，今年11月到期，行使價約464元，價外14%，槓桿做到8至9倍。
