【Now財經台】聯想集團(00992)今日(14日)開市前出咗上季業績，多賺逾1倍至逾5億美元，但股價今朝平開後，隨即向下，一度大跌5%，低見10.9元，見到聯想熱門CALL年期都比較長，如果想趁股價業績後向下做反手造好，應該揀咩條款？
中信證券國際股權衍生品銷售經理李碧珊指，聯想績後股價向下，資金傾向開好倉，其實聯想過去出完季績後，股價都會跌，大概1個月後先慢慢收復失地，所以好友入場博反彈，可能都會選擇做中長線部署。
Percy又話，聯想3個月場外期權引伸波幅，今日即市相比騰訊控股(00700)嘅回落幅度更多，所以為咗減低引伸波幅敏感度，資金都會選擇相對貼價、年期較長嘅條款，比較熱門條款嘅價外幅度大概5%，明年6月到期，槓桿都有3倍幾。
