我的股票

    名稱 現價 升跌

    資料報價延遲十五分鐘

    【財經TOP SEARCH】點解銀娛今朝跑贏其他賭股?

    【分析】 2023/02/24 12:45

    【Now財經台】截至早上11時止,1小時內《彭博》用戶關注度上升最多港股,依次為銀河娛樂(00027)、騰訊控股(00700)、新世界發展(00017)、美團(03690)及領展房產基金(00823)。

    銀娛尋日收市後公布,去年盈轉虧蝕34億元,但第4季經調整LBITDA按季顯著收窄,上季博彩收益總額錄得18.2億元,按季增近1倍,反映業績逐漸改善。銀娛股價今朝一度升6%,高見55.2元,半日報54.8元,升逾5%,跑贏其他賭股。

    大華繼顯執行董事梁偉源認為,銀娛業績屬意料中事,股價今朝跑贏同業相信係市場憧憬通關後,今年業績會有改善,加上管理層前瞻指引樂觀,所以吸引資金喺後市走勢不明朗下炒短線。

    Steven續指,雖然預期賭股今年業績會造好,但提醒投資者要留意,6大博企成功續牌10年後,需要投資唔少非博彩設施,利潤回報應該會少過博彩業務,加上以往貢獻唔少貴賓廳收入嘅豪客數量大減,佢認為要觀望一排先會知盈利恢復嘅速度。

    梁偉源
    大華繼顯執行董事
    想睇更多財經消息