【Now財經台】截至早上11時,1小時內《彭博》用戶關注度上升最多嘅港股依次為騰訊控股(00700)、安踏體育(02020)、銀河娛樂(00027)、港交所(00388)及吉利汽車(00175)。
安踏日前宣布先舊後新配股集資過百億元。股價連跌2日後,今日終於止跌回穩,暫時喺100元水平爭持。依家係咪時候部署博反彈?
獨立股評人譚智樂認為,安踏近日跌至接近配股價99.18元後回順,相信市場差唔多消化曬配股消息,不過安踏估值仍然偏貴,已反映對內地經濟復甦帶動消費嘅憧憬,加上內地體育用品行業競爭激烈,指短線股價欠缺上升催化劑,反彈空間亦唔大。
Arnold唔建議投資者於現價撈底。如果只係想短線博反彈,佢話可以視配股價作為止蝕位。