【Now財經台】截至早上11時止，1小時內《彭博》用戶關注度上升最多港股，依次為中遠海控(01919)、新世界發展(00017)、中國海洋石油(00883)、華潤啤酒(00291)及百威亞太(01876)。
航運股今日(11日)受壓，其中，中遠海控先破頂後急挫，一度急瀉逾14%，其他集裝箱股都要跌，內地集運指數(歐洲航線)期貨主力合約亦大跌近10%，中遠海控股價今年已累升逾70%，今日急挫同獲利盤有關？
富途證券首席分析師譚智樂指，唔排除這個可能，唔少航運股今年大幅炒上，主要同地緣政局勢、紅海戰事等因素推高運價有關，若運價唔可以持續企喺高位，甚至見到有明顯回落跡象，沽壓自然較大。
佢又話，睇返成個航運板塊今日表現，一啲以往被市場視為高息股嘅股份，例如中遠海控及東方海外國際(00316)，一旦開始被拋售，短線仍有貨嘅投資者，必須做好風險部署，定好止蝕位。
