【Now財經台】截至早上11時止，1小時內《彭博》用戶關注度上升最多港股，依次為紫金礦業(02899)、騰訊控股(00700)、新世界發展(00017)、龍湖集團(00960)、萬科企業(02202)。
金價10月底見創新高後開始調整，特朗普(Donald Trump)勝出美國總統大選後，金價加快調整，現貨金價跌至近兩個月低位，若以歷史高位計，回調幅度約8%，不過，金礦股跌得更急，其中，紫金股價由17元水平回落至現水平，回調幅度逾10%，不過，據摩根士丹利分析，金價近期回調只係短期平倉，唔會改變金價嘅升勢，紫金股價未來會唔會跟金價行？
椽盛資本投資總監曾永堅估計，紫金股價未必會跟金價行，雖然國際金價回調，市場主要關注短線回套，但值得留意係，受「特朗普交易」(Trump Trade)影響，唔少相關資產價格大升，資金除短線炒作外，亦炒作特朗普上任後政策。
佢又估計，金價長線會受地緣政治或美元走勢等因素影響，中長線走勢或有變，雖然金價有反覆回落壓力，但由於紫金業務多元化，所以走勢唔一定跟足金價，睇返技術走勢，紫金股價有機會反覆下試前低位，即13.5元水平。
