【now.com財經】恒指噚日尾段愈升愈有，完U之後更係一桿爆上，將指數重新推返上19,700點樓上收市，精彩。
噚晚打打下機見電話出咗個Msg話南韓宣布戒嚴，我家老爺聽到之後都不禁 「吓」咗一聲，我都要諗一諗自己有無讀錯，逐粒逐粒字讀，真係無喎。今朝睇返啲新問，原來噚晚佢哋都有人衝擊國會，嘿，感覺好似睇緊紀錄片咁，似曾相識...
Anyway，隔晚美股開市跌300點都唔知關佢事還是借勢；不過恒指今朝都係低開，只係低開25點咁解，本身見指數都仍然靠近上方熊證，仲要踩住第一層熊+第二層見重熊，自己都有少少傾向係出好倉向上殺熊；但及至開市後見指數向下壓嘅多，趁線未確認壓得過之前，小小一注淡倉同戰友一齊開出博壓線。依家10點未到，恒指跌幅擴大至見1964x點，作戰室已經開餬。
小時圖上其實仲見到指數有借住10/20線作為底線向上行，「上升通道」都清楚見到，但擺上有少少尷尬嘅係，指數現時係靠近下方10線但又未確認踩得到架喎，同步Slow STC(14.3)兩線亦然處於超買位邊皮嘅位置，到底應該偷依家呢個位再博向小時圖10線先好呀，還是線未到即博好倉上呢？
計一計數以現時10點7分恒指做19,685點計，10線為19,602點，即兩者差距為83點；但頂線位大約見19,88X點，唔計都見指數向上走嘅空間係大啲啦。
恒指牛(62034)，收回價19,208點，槓桿有約38.5倍唔係最高但勝在低街貨，等一等小時圖靠近得返去條10線而見有支持先至出動，皆因見五分鐘圖仲有似生緊條「下降通道」向下碌。
短線嘅，五分鐘圖Slow STC(14.3)超賣觸底出動你識玩啦！
繼續睇返隻Pop Mart(09992)，揀咗Call(29100)噚日借小時圖10線守穩時出動，平均買入為0.2625元，同時Set咗20線作為下方量度線，博嘅係隻Pop Mart有機會見返「紅底」。
噚日下半場見股價已經低走條10線，今朝股價已見重新回落返去中軸線位置，望望(29100)證價做緊0.243元，計一計暫時輸8%左右，嗯，就Keep住用條中軸做量度線先啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
