【Now財經台】截至早上11時止，1小時內《彭博》用戶搜尋量最多港股，依次為紫金礦業(02899)、金沙中國(01928)、碧桂園(02007)、新秀麗(01910)及騰訊控股(00700)。
碧桂園停牌大半年後，昨日(15日)補發2023年全年及2024年上半年業績，2023年虧損大幅擴至1784億人仔，去年上半年虧損就收窄至128億人仔，係咪代表距離復牌又行前一步？摩根大通預期，碧桂園會喺短期內復牌，但認為風險仍高，所以維持「減持」評級，一旦復牌，股價係咪會急挫？
資深證券分析師彭偉新指，碧桂園停牌後，港股整體向下，雖然唔少內房被納入「白名單」，攞到銀行保證貸款，但未必可以推動盈利增長，就算集團之後做好保交樓，相信都只係「白做」，唔會有盈利貢獻，反而虧損會愈嚟愈大。
Castor估計，碧桂園復牌後會有更多投資者趁機減持，對股價造成一定壓力。
