【Now財經台】截至早上11時止，1小時內《彭博》用戶搜尋量最多港股，依次為恒生銀行(00011)、銀河娛樂(00027)、新世界發展(00017)、金山軟件(03888)及騰訊控股(00700)。
大行憂慮一旦新世界違約，或迫使銀行收緊其他財務健康嘅發展商融資渠道，債務危機或打開行業「潘朵拉盒子」，繼而蔓延至銀行，新世界繼上周公布已完成逾177億元銀行貸款再融資後，《彭博》之後又引述消息指，新世界擬以90億元出售K11 Art Mall，但潛在買家華潤置地(01109)旗下華潤隆地僅出價60億元，喺新世界「等錢使」下，K11 Art Mall係咪好難賣到靚價？
富昌證券聯席董事譚朗蔚指，新世界債務高企已持續一段時間，集團一直透過出售物業套現還債，市場亦知道新世界急需周轉，除咗令套現過程面對買家壓價，尋求買家方面亦有較大不確定性，佢估計，即使搵到潛在買家，出價都唔會係好價。
Stevan又提醒，新世界股價最近持續創新低，投資者應該更加小心，市場亦會對呢隻股份有戒心，並會開始量化新世界債務可能帶來嘅影響，估計呢個情況仍會困擾市場一段時間。
