【Now財經台】 截至早上11時止，1小時內《彭博》用戶搜尋量最多港股，依次為中國平安(02318)、騰訊控股(00700)、長江基建集團(01038)、安踏體育(02020)及美高梅中國(02282)。
平保業績後普遍獲大行唱好，摩根大通預期平保償付比率今年達1.55倍，雖然對壽險業務增長前景唔敢睇得太樂觀，但仍上調評級及目標價，最新評級係「增持」，目標價上調40%至70元，即較現價仍有約41%潛在上升空間，有冇機會到？
椽盛資本投資總監曾永堅認為，市場依家較關注平保業務前景，由於壽險及健康險嘅新業務價值增長低過預期，所以投資者會擔心增長放緩。資產業務管理業務方面，內保股受制於內房債券表現，內房危機一日未化解，仍會持續影響內險投資收益。
Jasper估計，平保股價短期內要消化市場睇得唔太樂觀嘅領域，或要試一試20天線，即48元水平。
