【Now財經台】騰訊控股(00700)股價今朝一度有得升兼跑贏大市，但之後轉弱及倒跌，騰訊股價近期喺320元水平徘徊，即10天及100天線之間，上落幅度唔算特別大，主要喺310至330元上落，走勢反覆，投資者部署騰訊時有冇咩特之處？
中銀國際證券衍生產品部董事朱紅指，有唔少投資者都喺310元低位部署好倉，比較多投資者留意行使價330元嘅騰訊CALL輪，明年2月到期，槓桿約9倍，但當股價上到330元，有投資者做反手部署，其中，騰訊行使價270元嘅PUT輪，明年中到期，槓桿5倍至6倍，都比較多投資者選擇。
