【Now財經台】截至早上11時止，過去1小時內《彭博》用戶搜尋量最多港股，依次為華潤置地(01109)、銀河娛樂(00027)、融創中國(01918)、中國海外發展(00688)及金沙中國(01928)。
今日(19日)上榜股份中，內房股佔3隻，相對於本地地產股升，今日內房股表現更突出，係咪市場憧憬美國大手減息後，內地彈性更大？5年期以上貸款市場報價利率(LPR)會唔會調整，明日(20日)就會揭盅，但市場估計會維持3.85厘。
椽盛資本投資總監曾永堅認為，內房股今日造好主因係美國一如預期大手減息0.5厘，市場憧憬人民銀行有較大空間維持息差，避免利率下調嘅可能性。不過，內房問題唔能夠單靠減息解決，雖然人行減借貸利率及存量房利率，對房企、已置業或供樓人士有正面幫助，但唔足以解決供應過剩問題。
Jaseper又指，有數據顯示內房銷售及樓價仍然下行，因此，如果內房基本面冇改善，內房股受惠美國減息而反彈只會係短暫。
