【now.com財經】今朝同我老媽商討啲年廿九呀、初一二三點分配，邊日會見到邊個，要帶定啲乜嘢比阿邊個...心很累...
對住個市仲累，事關今朝撚咗成半個鐘先至決定到出啲乜倉。依家10點13分，指數喺低開即高走到五分鐘圖保歷加頂線後，保歷加道通口未見拓闊，指數向下開始生出「圓頂」，作戰室好淡倉咁樣偷咋。
坦白講指數開始發吽逗我理解，下個星期一(20日)特朗普正式就任，成個地球都等睇呢單嘢，市場淡靜實在無可厚非。
所以今日喺作戰室再睇多條戰線，其實噚日都已經開咗，就係隻騰訊(00700)好倉。
噚日見佢小時圖低位出「大陽燭」抽高之後，好倉出動博到保歷力加頂線先完成一轉。至今日見小時圖再借10/20線企住上，依家10點20分，股價重新搖到上保歷加頂線。已知Slow STC(14.3)兩線已經上到超買位，同時大約見380元呢個位出到阻力線。
所以，依家呢一刻出隻騰訊牛(66164)，收回價350元，同現價有約28.4元差距安全，小時圖中軸線位約373.15元一失都唔應該再守好倉啦，低街貨亦都係(66164)嘅優勝之處，用嚟博上破380元阻力線+保歷加通道口拓闊+Slow STC(4.3)出到超買再超買。
希望(66164)好似出奇蛋咁，一次過滿足三個願望啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
